漁釧 (將軍澳中心) (已結業)

依加開番晚市就緊係要出去食下飯，今日經朋友介紹去左依間位係將軍澳中心嘅日本菜。大大個燈籠係門口非常顯眼，入面裝修係復古居酒屋feel。餐牌好多選擇，最後我地叫左特盛醬油濃雞白湯拉麵、極盛四色刺身丼、燒日本魷魚一夜乾、燒豚肉蘋果串。值得一提上菜好快，特盛醬油濃雞白湯拉麵第一樣上台，亦係我最中意嘅菜式！好多唔係專做拉麵嘅店都唔太好食，但係依個拉麵真係要一讚！白雞湯濃郁而不油膩，叉燒分量好足，糖心蛋係整整一隻！完全可媲美專營拉麵嘅店舖，價格亦好合理，十分推薦！極盛四色刺身丼裡面有中拖羅、帶子、吞拿魚蓉、赤蝦，刺身都好新鮮，特別係中拖羅十分好食，厚度唔係係好薄，分量足夠，十分滿足。依道串燒我覺得係走創意路線，燒豚肉同蘋果地夾，蘋果好甜，有機會可以試埋其他創意串燒。