漁之部屋 (已結業)

朋友仔話將軍澳多左間放題，睇間鋪幾吸引，所以一齊去試下，睇下水準如何。入去之前，先睇左餐牌，都好多款食物，同銅鑼灣區放題差不多，價錢也不錯。前菜食沙律，相比其他放題鋪，尼度都多d款,而且幾有特色，唔淨只有一般既蟹子沙律，更有胡麻蕃茄沙律，同好爽甜既水蜜桃什果沙律，夏天食沙律係最適合既時間。尼間野都有幾款日本涼食，中華沙律、海蜇，可以加埋入沙律，感覺有d奇怪，但食落都可以。尼度我最鐘意食刺身，因為佢有新鮮野，有放題少見既蟹腳，味道清甜，不錯。另外，有一級帶子、牡丹蝦，原肉又爽口，食左幾輪，填滿了肚。一級帶子真係唔錯，我本身都好鐘意食帶子，而尼度既帶子實在岩晒我口味。哎，掛住食刺身，左影相太少。朋友好鐘意食辛辣食物，食左芥末八爪魚壽司同辛辣挪威三文魚軍艦，兩款壽司口感都唔錯，最起碼飯唔散，而辛辣味夠刺激。不過我食左三件就飽，留肚食燒物同炸物，因為真系好多吸引既燒物。好多燒物同天婦羅，食唔到咁多，但少食多款。其間都飲左好多杯野飲，最愛巨峰果酒同冷日本梅酒，我並非酒鬼，但都試飲左，因其他放題店好少見有咁多款酒。初次嘗試，感覺尼間野好好，開左無幾耐，希望間鋪保持水準，下次再食過。不過真係要慳下錢