大灰熊廚房 (裝修中)

將軍澳商場有唔少多國菜但係家常小炒就買少見少🤔呢排發現原來帝景灣有間小菜館好有家嘅味道🤗.🌟粟米豆腐羮首先食飲個湯粟米豆腐羮溫和甘甜 好啱夏天食 🌽而且相當足料 每口都有粟米豆腐同蛋花.🌟黃金豆腐粒 呢個小食非常出色👍🏼上菜嘅時候熱辣辣好在有把握時間即刻食左幾件一口大小嘅豆腐料外層酥脆😋中間嘅豆腐仲保持到嫩滑.🌟咕嚕斑腩咕嚕肉就食得多 原來換成魚肉都相當好味魚肉煮得啱啱好 同豆腐一樣外脆內軟仲有菠蘿同彩椒 一啲都唔油膩 😛.🌟勝瓜炒蝦仁呢個又係夏天食得清爽嘅菜式🍤蝦仁彈牙 勝瓜亦都煮得夠腍 .餐廳有卡位同大枱 空間十足坐得舒適而且室內仲有大灰熊同獨木舟嘅裝飾 🐻🚣🏻好有老闆嘅個人風格 令人印象深刻☺️