Goobne Chicken (天晉匯2)

营业中

休息中

一知道呢度開咗Goobne雞又咁近自己，梗係要來試一試啦。之前已經係尖沙咀試過，所以今日就黎試吓將軍澳唯一一間烤雞專門店啦。位置係喺將軍澳地鐵站一出行向popwalk 二期行幾分鐘就到架啦！如果揸車仲方便，因為出面有個露天嘅大停車場，好多位，一拍完車行出嚟上一層電梯就到啦。成間餐廳當然係以烤雞為主啦，有唔同口味嘅烤雞任君選擇。價錢同份量都好成正比。一盤烤雞足夠兩個人食。我同朋友都鍾意食辣所以叫咗一個甜辣烤雞一齊share。辣度同甜度都啱啱好，啲雞好滑啊！仲有好多唔同口味嘅雞都好想試，下次一定要叫埋其他朋友一齊嚟食先得。