湯•米 (已結業)

一開始見到個名以為係食米線，後來先發現係一人一鍋🤣，仲要有台式飲品🥤，另外有海鮮配料可以加，不過咁啱當日嘅鮑魚賣晒。藥膳䐁肉鍋配粉絲 $96有紅棗、杞子、蟲草花藥材，即刻感覺自己呢餐養生又健康🤣🤣，粉絲吸收晒湯底嘅精華，飲埋湯就剛剛好。招牌臭臭鍋配粉絲 $98小辣嘅辣度剛剛好，雖然叫臭臭鍋但氣味上接受到，湯底好濃郁，配菜配上湯汁都好惹味。台灣夜市小香腸 $32份量唔多但勝在價錢平，抵食好有台灣夜市入面小香腸嘅感覺。海蝦3隻 $25新鮮爽口又彈牙。花螺8個 $28呢個價錢食一人鍋可以加到花螺真係好正🤣芝士金鳳茶王（走糖）$35朋友最近手搖都轉走糖，因為有芝士奶蓋，所以即使走糖都夠甜度。芋香珍珠奶茶 $28唔知點解變咗朱古力珍珠奶茶🧋，但味道又意外地唔錯，所以無特別再換。