馬泰 (已結業)

之前去過新都會既馬泰食tea覺得唔錯，今次經過東港城再試多次，結果都冇令我失望。雖然係晚市，不過始絡都係平日，所以都唔駛等就入到去坐，仲有得坐梳化tim，超舒服~~~點左黃咖哩配雞肉、海鮮喇沙同蝦醬炒通菜。黃咖哩好香，一d都唔辣，配埋個油鬆餅，一流！個喇沙亦非常之唔錯，好香，差d就拍得住上環兩間打對面既名店，同埋都有好幾隻蝦，抵食！蝦醬炒通菜非常足料，落左勁多蝦醬，齋食有d鹹，不過送飯就岩岩好。呢度上菜好快丫！不過一如在新都會既經驗，個油鬆餅眨下眼就送到黎，但個咖哩又最遲上喎，雖然叫佢地再「興」熱個油鬆餅都可以，不過下次最好叫佢地咖哩同油鬆餅一齊上啦！