呢隻可算係期待已久嘅其中一個包，
佢不嬲都係期間限定包款，
好耐之前有一期佢係日常包款，之後又變返限定包款。
今次佢返嚟，出咗隻新款，玉子雙層將軍漢堡。
我就緊係試新嘢啦。
同以前一樣，一打開個包，醬汁勁澎湃，
食嘅時候要好小心，
如果唔係，真係會搞到一身都係。
如圖所見，玉子雙層將軍漢堡係有兩塊豬柳加蛋，
再加上日式照燒汁，
而玉子系列，會再配上檸檬蛋黃醬，
由於有兩塊豬柳，口感上好似啖啖都係肉，
而唔食牛嘅朋友今次都可以食到呢個包，
食哂成個包都幾飽下，不過新嘢就緊係試下啦。
希望將軍成日返嚟就好啦
