影片
更多
2017-07-03
1480 浏览
几年前朋友曾经喺呢度包场庆生，面书弹出相片回顾，令我再次谂起呢间餐厅，所以上星期就订好位同朋友聚旧怀缅一番。今晚黎到客人唔太多，正好静静哋倾计。凡高厨房最出名就系澳洲和羊，但我同朋友都唔食羊，无缘一试。两个人叫左炭烧美国顶级Prime牛肉眼伴牛肉浓汁套餐$428 同 晚餐E - 煎刁草挪威三文鱼伴白豆牛油柠檬忌廉汁$278 一齐开心SHARE~ 食物上枱时摆碟好精美，仿如艺术品。厨师精心制作，将艺术融入美食，好欣赏，未食先LIKE!欧陆式小食 - 鲜虾伴烟三文鱼卷，用烟三文鱼包住青苹果西芹沙律，再用鲜虾陪衬，味道清新鲜甜。欧陆式小食 - 蛋角伴黑醋汁沙律，黑醋汁沙律酸味，特别醒胃。厨师精选餐汤 - 南瓜忌廉汤，南瓜味香浓，仲用忌廉画上图案~是日餐汤 - 椰菜忌廉汤，比较少机会饮到嘅忌廉汤，将椰菜花搅碎，入口好幼滑。香草餐包 - 自家配方，外面松脆，里面松软。 炭烧美国顶级Prime牛肉眼伴牛肉浓汁，深深嘅烤纹，一上枱就已经闻到好香嘅烧烤味，而且份量好足。店员再即席磨碎阿拉斯加岩盐提味，感觉特别好味。牛肉眼下面有煎薯仔，外面薄脆，入面软腍，仲吸收左啲肉汁，正!肉鲜粉嫩，牛味浓郁，就算唔配
两个人叫左炭烧美国顶级Prime牛肉眼伴牛肉浓汁套餐$428 同 晚餐E - 煎刁草挪威三文鱼伴白豆牛油柠檬忌廉汁$278 一齐开心SHARE~ 食物上枱时摆碟好精美，仿如艺术品。厨师精心制作，将艺术融入美食，好欣赏，未食先LIKE!
欧陆式小食 - 鲜虾伴烟三文鱼卷，用烟三文鱼包住青苹果西芹沙律，再用鲜虾陪衬，味道清新鲜甜。
欧陆式小食 - 蛋角伴黑醋汁沙律，黑醋汁沙律酸味，特别醒胃。
厨师精选餐汤 - 南瓜忌廉汤，南瓜味香浓，仲用忌廉画上图案~
是日餐汤 - 椰菜忌廉汤，比较少机会饮到嘅忌廉汤，将椰菜花搅碎，入口好幼滑。
香草餐包 - 自家配方，外面松脆，里面松软。
炭烧美国顶级Prime牛肉眼伴牛肉浓汁，深深嘅烤纹，一上枱就已经闻到好香嘅烧烤味，而且份量好足。店员再即席磨碎阿拉斯加岩盐提味，感觉特别好味。牛肉眼下面有煎薯仔，外面薄脆，入面软腍，仲吸收左啲肉汁，正!
肉鲜粉嫩，牛味浓郁，就算唔配上牛肉浓汁，都已经好够味。可惜今次有啲韧，亦有少少根位，未能做到入口即化。
煎刁草挪威三文鱼伴白豆牛油柠檬忌廉汁，香草薯蓉极之幼滑。
三文鱼皮洒上黑椒同刁草，煎得好香脆，口感极佳。
餐饮叫嘅热咖啡，要赞一吓，唔驶加钱就有即磨咖啡，特别香浓。难得牛奶亦有加热过，唔会减底咖啡温度。
咁美味嘅一餐梗系要用心爱嘅甜品作结。加$38将个甜品转左一客焦糖炖蛋，炖蛋浓滑，焦糖脆口。
又加$48转左一客朱古力心太软，好精致。
一切开啲朱古力浆就涌晒出黎，香浓又唔太甜，Bravo~
除左美食靓到好似艺术品咁，播放嘅音乐同周围嘅环境都好有艺术气息，好以去咗艺术馆咁。
餐后店员更主动提议帮我地合照，仲建议我地行去佢餐厅嘅打卡热点 - 波枱后嘅花花秋千椅影相就最靓㖞。服务好贴心!
张贴
