DOJE (已結業)

終於今次有機會嚟試K11 Musea嘅DOJE❤️間野喺food Court入少少嘅位就會見到，雖然只限外賣但都唔影響我想食佢嘅心情🥰首先佢外層包住嘅腐皮好好味，內裏係一啲用韓式醃製方法嘅飯團，我個人就比較重口味少少 想佢再鹹啲就更加好味🙈同埋啲飯真係好足料 唔使擔心唔夠飽😂咁我總共試咗八件，咁我講下啲令我有驚喜嘅味道啦🙋🏻‍♀️第一件我好鍾意鰻魚壽司，啲鰻魚好彈牙好入味，整體個味都好襯，同埋我本身好鍾意食鰻魚❤️第二件我鍾意明太子沙律壽司，味道啱啱好，上面有啲三文魚子增加咗個口感👅第三件我會鍾意芝士辣炒雞，佢加咗芝士醬係面賣相非常之吸引，個雞醃得好入味😍最後一件雪花牛扒，賣相有車厘茄同沙律醬做點綴，成件事好美觀，牛肉唔韌亦都好入味。總括嚟講有機會都會想試哂佢嘅其他味道😚同埋腐皮壽司愛好者都一定要嚟試下！！