大榮華酒樓

营业中

休息中

早聞此店十分抵食，於是和太太兩人遠走一趟。山長水遠踏入元朗大馬路，卻未見大榮華蹤影，細問一下街坊才知此店在安寧路，都頗為隠閉，踏入此店時是五時半左右，酒家內沒有幾多人，但就奇怪地有人坐在接待處等位，其後先知原來此店要求客人要有一半人到才可入座，認真是巴閉。打開餐牌發覺有過百款菜式，我們點選了豉汁蒸烏頭、五味鷄和薑酒銀魚炒芥蘭，還加一碗豬油撈飯。三個菜式中，五味鷄較為平凡，其實即係豉油雞，真不明何解叫五味鷄！豉汁蒸烏頭就水準不俗但就體內的魚扣被取走欠奉，令人有點掃興，至於薑酒銀魚炒芥蘭就幾好，味道唔錯。豬油撈飯加少許頭抽就十分好味到不得了。此店走舊式酒家路線，略為陳舊，衛生就一般，枱布有點發霉，結帳$170左右，可算抵食，臨走見到韜韜，除了一睹其風采還閒談了幾句。論價錢此處都算超值之選，菜式水準中規中矩，值得推介一番，奈何元朗實在太遠，我由沙田去要坐兩程巴士，實在有點勞師動眾。