龍鳳號 (已結業)

有好多台灣老字號/打住台灣茶既旗號既餐廳都黎左香港，而觀塘都開左呢間龍鳳號。由於fb多人討論，所以我同朋友7點黎到，已經要等一陣先有位。鋪頭裝修好似舊式既祖屋咁，用上木枱木櫈，環境就較為擠迫，加上木櫈冇櫈背，坐得都幾攰。我同朋友叫左醬漬蜆仔同秘制炸雞腿黎share。醬漬蜆仔非常入味，食得出有少少酒香，醬油味唔會太重太咸，而且所有蜆仔都開左口，唔怕食唔到/食左唔新鮮既蜆仔。炸雞肶都算大，兩個人share都每人食到2-3舊，啖啖肉，同埋新鮮炸起，金黃色，仲辣口架加左少少椒鹽係上面，唔需要複雜既調味料已經帶出食材既鮮味。主食我叫左乾拌板條，麵條係由台灣入口架，食落彈牙，外形有少少似河粉，不過厚身少少，魯肉粒多，汁偏咸，用來拌面恰到好處。撈左店家既惹味魯肉，佢唔再係一碗普通既撈面，而係富台灣口味既麵食。