影片
更多
2009-03-02
142 浏览
今之舅父生日, 每年總會叫我們, 開兩三圍. 賀一賀當表親聚會. 地點選了上環文咸東街的寶湖.普普通通一次飯會, 選擇了平價的$1388餐. 眾人皆知, 呢D平價餐, 大家不會吃什麼上等野. 以往於大集團酒樓的$1488餐. 料是普通但起碼做得有聲有色. 唔計過時過節, 服務都有返咁上下.是否廚房懶得去整去分, 長輩們的一檯12人沒問題. 我們一班老表幼小, 有15人, 點下圍半食物. 但始終都要變成, 乳豬兩碟, 乜都兩碟. 眾人亦嘩然一聲, 點食呀, 咁多.......而且一次過上兩碟以上.....有點像過節食飯時, 填鴨般把食客塞飽, 趕緊做下一輪客咁. 未說菜式前, 也要說服務, 叫下汽水, 可樂自然沒問題, 問問有沒有七喜, 女伙記說冇, 忌廉要不要......但後來另一位來者說有雪碧......, 另外是要攞酒杯, 眾人亦驚訝地得知.....冇酒杯....酒樓不是常備足夠既酒杯的嗎. 之後見廚房托出一盤酒杯, 剛洗好, 自己弄乾吧....食物, 我們呢一檯, 打孖上, 乳豬兇場時, 未覺是什麼, 但味道比較淡, 皮脆尚好. 珊瑚虴, 總算是可以之貨. 一個金菇冬菇...甚似
普普通通一次飯會, 選擇了平價的$1388餐. 眾人皆知, 呢D平價餐, 大家不會吃什麼上等野. 以往於大集團酒樓的$1488餐. 料是普通但起碼做得有聲有色. 唔計過時過節, 服務都有返咁上下.
是否廚房懶得去整去分, 長輩們的一檯12人沒問題. 我們一班老表幼小, 有15人, 點下圍半食物. 但始終都要變成, 乳豬兩碟, 乜都兩碟. 眾人亦嘩然一聲, 點食呀, 咁多.......而且一次過上兩碟以上.....有點像過節食飯時, 填鴨般把食客塞飽, 趕緊做下一輪客咁.
未說菜式前, 也要說服務, 叫下汽水, 可樂自然沒問題, 問問有沒有七喜, 女伙記說冇, 忌廉要不要......但後來另一位來者說有雪碧......, 另外是要攞酒杯, 眾人亦驚訝地得知.....冇酒杯....酒樓不是常備足夠既酒杯的嗎. 之後見廚房托出一盤酒杯, 剛洗好, 自己弄乾吧....
食物, 我們呢一檯, 打孖上, 乳豬兇場時, 未覺是什麼, 但味道比較淡, 皮脆尚好. 珊瑚虴, 總算是可以之貨. 一個金菇冬菇...甚似家庭菜. 炸蟹拑, 咁多道菜中算是令我們評分比較高的一味, 香口東西永遠是不難做, 同不會過份差的.
蒸斑仔, 因為圍半的關係, 我們有三條斑仔. 倒是不錯的蒸魚, 夠新鮮, 剛熟剛好. 豉油亦夠甜.
之後有翅. 其實是翅上先過魚, 但因為基本上一上上齊的餸菜. 所以...總之, 有點亂. 翅好唔好食.....$1388會俾D咩翅你食吖, 將價就貨沒問題, 但總要好食. 寫得出就當然唔得, 因為我食緊芡粉水.......
炸子雞了, 永恆的炸子雞, 標榜是寶湖既招牌菜. 在其紙巾盒已表明此是招牌, 行過中環寶湖同寶湖金宴, 同樣大子報寫明必食. 最近吃炸子雞多了, 總覺得都是差不多. 皮脆肉嫩入味已經好足夠.
散席, 剛9點. 剛好兩小時掃北. 飯包走, 半隻雞包走. 呢一餐好評難給. 我們圍半的水果盤只給一盤, 同長輩那檯的size一模樣. 另外半盤呢, 部長說已平均分了給兩檯......上菜時, 又唔見你識做.....
张贴
