C0T (已結業)

💡將軍澳覓食-C0T-@將軍澳中心💡今日介紹呢間日系裝潢嘅西式咖啡店。平時路過，以為係一間普通嘅連鎖咖啡店，點知我哋叫咗四款食物，擺盤都好精緻，味道又有水準，性價比高！下午茶時段嚟到，除咗可以點Tea set，如果想full一d，又可以選擇番佢哋嘅Lunch set，配湯、沙律同埋飲品🥗🥘🍮☕️🍵🍀 蜜檸都有鮮奶油多士 $48呢個多士嘅外表有啲似格仔餅，但係就做得更加薄身，可以自己隨需要添加牛油（小編怕肥就唔落咁多喇🫣），作為輕食一流。「蜜」係代表蜜糖🍯，「檸」就代表檸檬皮🍋，隨意灑咗喺個多士上面，賣相美觀。🍀 法蘭西人厚多士 $68個名好搞笑，西多士配煉奶、楓糖同Nutella醬，隨意添加，可以單點或者混醬，賣相同樣精美。🍀 松露野菌意大利粉 （素）$108呢個係Lunch Set，所以配埋南瓜湯🎃同水果沙律，估唔到沙律細細碟，但係入面有好多種類既蔬果🥕🥒🍅，好健康。松露醬做得好creamy，配搭幾種野菌，好香。🍀 燒波蘿豬仔髀🍗 $88由於見到個餐牌上面既圖太吸引，所以點埋嚟試吓。4條豬仔髀下面放左4粒燒波蘿🍍，燒到香噴噴，連隔離枱都望一望😍 豬仔髀好淋身，醃得好入味，值得一試 👏🏻