珍香園 (已結業)

聽朋友講，業主唔再續租，「珍香園」將會光榮結業，做到9月24日，加上前幾日東張西望報道後，就開始好人專程走去捧場。而我和妹，兩人亦趁9月16日放假行過去幫襯下，今日去已經開始無得堂食，不過都仲有好多人排隊購買外賣。排咗個半鐘，終於到我哋落單喇，今次我哋就叫咗2個熱豆腐花、3件蔥油餅、3個蘿蔔絲餅、1個滷水豆腐，總共$116。排隊過程，發覺香港人都好有耐性排隊，原本只係想買少少，到落單就買多多，眼見老闆及員工都忙到無停手，而整個流程都好順暢，安排得唔錯，每個人負責一個no，包好親手交俾顧客，整體服務態度都好好。至於食物，我個人最鍾意都係熱豆腐花及蔥油餅，至於最多人買嘅蘿蔔絲餅，我個人就覺得比較鹹，而 滷水豆腐亦無以前咁大塊，不過都算保持到以往嘅水準及味道，