巧興麵食店

营业中

休息中

回憶是美好的！記得細個果陣，爺爺成日帶我去高山劇場既公園玩，好開心，玩完之後一定會過黎巧興食餃子的，之後爺爺佢地搬走左，就無再黎過了，十幾年後，有次係openrice見到巧興仲紇立不倒，唔駛講野即刻決定再黎，勾返起好多以前既開心野！ 鋪位既位置唔算好起眼，人流唔多！開頭我同朋友都好易搵位，但之後人愈來愈多，好快坐滿了，而且客人食完走左之後，好快就有其他食客埋黎，證明巧興有質素，一間小店可以開廿一年，真係唔簡單架！ 餃子有五款可以揀既，一份十隻半份就五隻，我建議大家可以每樣半份半份咁叫，咁就可以試多幾款餃子啦！ 雖然今日暖返啲啲，但都仲係幾凍，而且我地又坐出面，梗係嘆返杯暖笠笠既熱豆漿先啦！ 因為我特登早餐唔食留肚過黎食架，所以除左叫餃子之外，我仲叫左碗炸醬麵！醬料味道適中唔會太咸，配埋青瓜絲撈埋一齊食，真係好北京傳統feel架啵！ 餃子可以揀煎餃或者湯餃既，因為我係餃子怪魔，而且難得過黎，兩樣都要叫晒，唔係點對得住自己！煎餃子我地叫左牛肉餃同韭菜餃，識食煎餃既一定要茶佢個豆板醬，兩樣加埋真係無得輸！ 湯餃我地叫左菜肉餃！豬肉同菜既比例係一樣架，唔會多菜少肉，用料足！十幾年後