YOLO (已結業)

呢日去將軍澳寶琳探朋友，發現商場開咗唔少新餐廳。俾呢間餐廳嘅名字「YOLO」同清新嘅佈置吸引，見餐牌嘅食物啱食，價錢又幾抵，入去食個晚飯先。凱撒沙律配溫泉蛋（$58）- 份量好大，溫泉蛋配埋沙律菜食，入口好清新。YOLO招牌漢堡包（$88）- 漢堡好juicy，配埋煙肉、蕃茄、芝士同洋蔥等配料，味道好豐富。牛油果三文魚牛角窩夫（$80）- 呢個絕對係健康之選，煙三文魚配牛油果醬，加埋香脆嘅窩夫，簡單得來好好味。另外點咗杯菠蘿熱情果烏龍茶，淡淡的水果香味，配埋烏龍茶，唔會太甜太漏。餐廳座位寬敞，環境舒服好坐，食物質素高，價錢算抵食，下次可以再嚟試吓其他菜式。