金坊泰國美食

营业中

休息中

前幾日同朋友去寶林行街，同事推薦咗食呢間泰菜。餐廳環境唔錯，坐位夠哂闊落。可能係因為都算早，所以唔使錯就入得。兩個人點左三個菜，每樣菜嘅量都好足。兩個人食有啲多。明爐烏頭味道酸辣，越食越開胃。湯底亦都好鮮味。朋友好鍾意食裏面嘅配菜。馬拉盞炒通菜大大碟，通菜爽脆，味道好夠。海南雞（半隻）份量十足，肉質滑嫩，食落啖啖肉，配埋個醬汁，無得頂。椰皇沙冰用椰皇肉打成嘅沙冰，飲落啖啖都有椰子肉，仲有好濃嘅椰子汁味。甜品椰汁大菜糕：免費贈送嘅飯後甜品，清甜爽口。