影片
更多
2023-10-08
493 浏览
好耐冇喺外邊食個雞煲，有朋友話喺太子呢間寶寶雞煲好精彩，特別推介多種唔同嘅豬什，咁重口味，就約一班愛重口味嘅朋友試下。開頭我以為呢個係連鎖店，但呢度嘅員工話呢度只係得一間分店，唔知大家有冇印象之前其實都有間差唔多名嘅打邊爐呢，定係我記錯。 招牌豬什同特級魚肚香辣雞煲外，呢度正宗椰子雞煲，酸菜鯛魚腩湯、日本番茄牛柳邊濃湯都係重點推薦，可惜當日lunch好遲先至食，我哋四個人都食唔到太多。一入到餐廳你就feel到勁強嘅鑊氣，好少會有呢個感覺，呢度嘅員工都好細心咁推介，服務都真係幾好，唔怪得網上好多人評論佢哋都係服務最多人讚。叫左個特級魚肚香辣雞煲，由於個個都唔係好食得辣，我哋叫咗小辣，上枱嗰種香同辣味，一聞到就好肚餓。雞件雖然唔算太多，但係都算嫩滑，不過重點係個魚肚，好大件，配合佢個醬，非常精彩，絕對想encore，如果食大辣，應該更精彩。由於佢哋嘅炒工實在出色，我點多個澳門好流行嘅椒鹽粟米，呢個又係食到佢嘅鑊氣。豬什出名就叫咗個招牌豬什四式大拼盤，有豬肺、豬肚、豬粉腸、豬膶，好大份，而且洗得好乾淨，我個人喜歡豬肚同豬肺，後者好爽，前者夠厚。呢度嘅手打墨魚丸同馬尾粉絲都係好出名，粉絲全部
好耐冇喺外邊食個雞煲，有朋友話喺太子呢間寶寶雞煲好精彩，特別推介多種唔同嘅豬什，咁重口味，就約一班愛重口味嘅朋友試下。
開頭我以為呢個係連鎖店，但呢度嘅員工話呢度只係得一間分店，唔知大家有冇印象之前其實都有間差唔多名嘅打邊爐呢，定係我記錯。
招牌豬什同特級魚肚香辣雞煲外，呢度正宗椰子雞煲，酸菜鯛魚腩湯、日本番茄牛柳邊濃湯都係重點推薦，可惜當日lunch好遲先至食，我哋四個人都食唔到太多。
一入到餐廳你就feel到勁強嘅鑊氣，好少會有呢個感覺，呢度嘅員工都好細心咁推介，服務都真係幾好，唔怪得網上好多人評論佢哋都係服務最多人讚。
叫左個特級魚肚香辣雞煲，由於個個都唔係好食得辣，我哋叫咗小辣，上枱嗰種香同辣味，一聞到就好肚餓。
雞件雖然唔算太多，但係都算嫩滑，不過重點係個魚肚，好大件，配合佢個醬，非常精彩，絕對想encore，如果食大辣，應該更精彩。
由於佢哋嘅炒工實在出色，我點多個澳門好流行嘅椒鹽粟米，呢個又係食到佢嘅鑊氣。
豬什出名就叫咗個招牌豬什四式大拼盤，有豬肺、豬肚、豬粉腸、豬膶，好大份，而且洗得好乾淨，我個人喜歡豬肚同豬肺，後者好爽，前者夠厚。
呢度嘅手打墨魚丸同馬尾粉絲都係好出名，粉絲全部都係用豆做，感覺特別滑，墨魚丸好足料，兩個都一定要點。
叫咗碟細嘅手切本地肥牛，呢個絕對出色，價錢中等，最重要牛味濃，如果唔係下晝食左太多，一定要點碟大牛。
尾聲叫鳳城水餃同菜肉雲吞作結尾，兩個都包得實在，又係自家製，幾有心。
呢度嘅飲品，最好當然係叫啤酒或者洋酒類，但非酒精飲品類都唔錯，又係流行大大杯嘅鹹檸七，好似以前朱敏記咁。
下次絕對值得叫朋友再試多啲，最好搵一班愛辣嘅人，試多啲款。
寶寶雞煲
地址: 太子砵蘭街430號利聯大廈地舖
张贴
