寶哥火鍋 (已結業)

又係周未，同朋友行街之餘順便打邊爐，198蚊半自助火鍋可以話好抵。猴頭菇鯊魚骨湯底比較少見，除咗猴頭菇，鯊魚骨之外，仲有参鬚，杞子，玉竹等，感覺好補身。個餐有7款時令生猛新鮮，今日就有大大隻生蝦，蕃薯蚌，象拔蚌，生蠔，蜆，魚塊及鮑魚，樣樣嘢好新鮮，好鮮甜。而另一張綠色單張共50幾樣嘢高質升級配料中可揀8樣，我們揀咗黄沙豬仔潤，手切封門柳牛肉，花膠仔，爽脆白鱔片，新鮮豬粉腸，自製墨魚丸，爽脆黄喉及吃火鍋好少見的杏汁豬肺，實在好味又满足，如果仲唔够，都仲有任食的丸類蔬菜，包你捧住個肚走。