寶哥火鍋 (已結業)

天氣一涼，打邊爐既心又蠢蠢欲動。近排成日聽到寶哥既大名，話用蔗渣價錢食到新鮮既海鮮火鍋。呢間野好神秘，開係一棟大廈樓上，招牌又唔顯眼，推門入去問先知揾岩地方。呢到格局似係酒樓咁，用一張張圓枱，中間放個爐，地道港式邊爐，唔花巧，好實在。$198 兩個鐘可以食7款海鮮、8款升級配料同任食丸類蔬菜👏👏海鮮就係寶哥比咩你就食咩，當日有蟹、鮑魚、蠔、兩款唔同既蜆、蝦同龍躉片😋😋全部都新鮮靚料，蟹仲係位位一隻，個頭雖然唔大，但有膏🥰非常值得一提係呢到湯底，佢除左有最基本既湯底，仲有兩款特別值得叫既養生湯底，有猴頭菇鯊魚骨湯同蟲草花水鴨湯，我就揀左猴頭菇鯊魚骨湯。估唔到真材實料，除左有好多猴頭菇鯊魚骨，仲有紅棗蔘鬚等，未烚食物之前飲左少少，好香濃，冇味精，而且愈耐愈出味，湯底仲正🥰🥰8款升級配料都有好多選擇，唔同既牛肉、手打丸同內贜等等。而且份量係跟人頭上，食晒8款係綽綽有餘。特別推介牛肉，試左手切封門柳同安格斯牛小排，兩款都好喜歡。前者肉味重，後者軟腍。花膠仔都好食，好軟糯，尤其配埋藥材養生湯底更夾😘手打蝦丸亦爽口彈牙，值得一試。任食既配菜選擇多，但胃口有限就唔試得多，叫左鮮腐皮、韮菜餃、雲吞、蕃