Lagom Kaffe (已結業)

今日嚟到觀塘一間coffee shop度high tea，佢係寵物友善餐廳，所以今日就帶我大佬嚟打卡，佢個面積都幾大有室內同室外，室外冬天都唔怕因為佢有幾座暖爐，不過環境就冇乜特別，都係啲工業大廈，佢哋落單都係電子落單，掃QR code落好單，一陣嘢食就嚟到唔係好肚餓所以就嗌咗一件cake同咖啡，佢另外係有晚餐既，寵物嘅嘢食方面冇咩選擇都係得一款，嗰個係紫薯蛋糕，裡面嘅配料全部都係蔬菜嚟，大佬食晒，應該都唔錯，我哋就嗌咗個蘋果撻同埋培茶芝士蛋糕，坦白講，呢度嘅甜品真係冇咩吸引，都係好普通嘅cake，蘋果撻又唔係烤得特別香，陪茶芝士蛋糕個質感係OK嘅不過個味道又唔算好濃，叫咗杯咖啡，佢個味道同個奶都唔係好重，又唔係好濃咖啡味，所以的確麻麻，不過佢晚餐都OK嘅，我都有試過，下次再放上嚟啦