Barg (已結業)

約左個公子午餐一聚，公子固然食慣好野，不敢怠慢，免得有失面子。專登上網search下岩佢口型嘅餐廳。呢間似樣啦！入到餐廳，裝修似歐洲小鎮的小店，播的音樂亦岩襯整個氣氛。傾偈聚舊真係一流。兩個午餐share，公子要鰽魚，我揀左海膽汁意大利飯。餐湯係椰菜花湯，清新味道配上熱辣辣脆皮麵包。清清地唔錯。鰽魚值得一讚，煎得香脆，沒有多餘調味料，就能夠食得出魚的真實味道。街食的通常要靠重調味蓋過唔新鮮的魚䐳味。呢道菜👍🏻海膽意大利飯煮得軟硬度適中，味道對板，唔錯。甜品係tiramisu, 份量剛剛好，咖啡味濃。