屋喔 (已結業)

距離上次食台灣野食都已經有一段時間。今日又食台灣野。叫左個黑松露柯仔飯。一上菜已經好香啦。中間既黑松露真係超濃。黑松露飯整得夠濕，夠埋柯仔原來可以咁juicy咁鮮甜。味道夹得超好，呢個飯係有創意既，好味！跟住再叫左個炸雞拼盤，好多炸雞，好幸福。佢個蜜糖芥辣唔會好攻鼻。甜甜地帶陣芥辣香味，鍾意冇咁刺激芥辣既朋友會好鍾意，因為我好鍾意。炸雞可以整得再多汁啲，不過溝埋醬食都好味。涼陣陣的天氣，叫杯熱辣辣薑母茶，好暖，好幸福。薑母茶好好飲，吹吹下水，不知不覺坐左兩個鐘，寫意的星期日。