影片
更多
2022-09-09
1078 浏览
Afternoon Tea ☕️:位於灣仔君悅酒店既茶園，佢哋既Afternoon Tea有好高既評價，無論食材，服務質素，甚至環境都獲得好評，今日就同閨蜜一齊去chill下🥂，除咗基本嘅英式下午茶架之外，佢哋仲有自助式嘅甜品同水果，唔怪得知咁受大眾歡迎，一個價錢有晒咁多款式嘅美食😍😍🦋自助區:有新鮮即製嘅🧇pancake，窩芙，Pancake等嘅時間唔算耐，新鮮做出真係特別好味，奶醬非常嫩滑，蛋香撲鼻，做到咁薄時間要控制得好好，如果唔係會好易變蕉，另外窩夫等嘅時間比較耐，但新鮮做出嚟外脆內軟，蛋漿都係非常軟滑，另外配咗唔同嘅醬料，牛油，煉奶，楓糖漿，朱古力，花生，士多啤梨醬應有盡有😆😆🧁馬卡龍，貝殼蛋糕:另外仲有呢兩款可以無限添加，馬卡龍方面佢哋都有幾種味道，開心果，雲呢拿，檸檬，咖啡，紅桑梅同朱古力等，味道同出面相比都唔輸蝕，裏面嘅餡料都有黐牙嘅感覺，味道濃郁，而貝殼蛋糕都非常鬆軟，面層沾左香橙醬，食落味道非常特別，冇左種乾淨淨既感覺，唔錯👍🏻👍🏻🍦雪葩:雪葩有九種味道，較為特別嘅係佢個紅桑子，西柚同埋薄荷朱古力雪葩，呢啲味道唔係經常會見到，所以就特別試咗紅桑子，本身以為佢會酸味比較
位於灣仔君悅酒店既茶園，佢哋既Afternoon Tea有好高既評價，無論食材，服務質素，甚至環境都獲得好評，今日就同閨蜜一齊去chill下🥂，除咗基本嘅英式下午茶架之外，佢哋仲有自助式嘅甜品同水果，唔怪得知咁受大眾歡迎，一個價錢有晒咁多款式嘅美食😍😍
🦋自助區:有新鮮即製嘅🧇pancake，窩芙，Pancake等嘅時間唔算耐，新鮮做出真係特別好味，奶醬非常嫩滑，蛋香撲鼻，做到咁薄時間要控制得好好，如果唔係會好易變蕉，另外窩夫等嘅時間比較耐，但新鮮做出嚟外脆內軟，蛋漿都係非常軟滑，另外配咗唔同嘅醬料，牛油，煉奶，楓糖漿，朱古力，花生，士多啤梨醬應有盡有😆😆
🧁馬卡龍，貝殼蛋糕:另外仲有呢兩款可以無限添加，馬卡龍方面佢哋都有幾種味道，開心果，雲呢拿，檸檬，咖啡，紅桑梅同朱古力等，味道同出面相比都唔輸蝕，裏面嘅餡料都有黐牙嘅感覺，味道濃郁，而貝殼蛋糕都非常鬆軟，面層沾左香橙醬，食落味道非常特別，冇左種乾淨淨既感覺，唔錯👍🏻👍🏻
🍦雪葩:雪葩有九種味道，較為特別嘅係佢個紅桑子，西柚同埋薄荷朱古力雪葩，呢啲味道唔係經常會見到，所以就特別試咗紅桑子，本身以為佢會酸味比較重，但原來食落甜度適中，好fresh好濃厚，好似鮮榨咁，雪葩非常棉，入口即溶🤤
🍇至於鮮果方面，佢哋有西瓜，提子，火龍果同埋橙等，好少見到會有去皮嘅橙，食落好有滿足感😋😋
🦋下午茶架:首先底層會係由經典嘅scones 坐陣，中層會係鹹點，而面層就係甜點，🦋底層嘅英式鬆餅佢有原味同杏仁粒，配以檸檬，忌廉同士多啤梨醬，佢哋嘅鬆餅有啲失準，比較硬身，唔夠鬆軟，原味鬆餅唔夠牛油香😩
🦋而中層嘅鹹點佢哋分別有手指三文治同撻等，特別喜愛嘅係佢個鵝肝，巴馬火腿手指三文治，咸度控制得非常好，兩種比較重口味嘅食材混埋一齊，味道又出奇地唔錯，另外一款比較特別嘅係Pea Tart，綠色cream狀果件，其實佢整件都係素食，裏面釀左蕃茄沙律，而面層就係一種植物磨成嘅綠色cream狀再加上青豆，睇落所有食材都唔係好夾，但食落別有一番風味，感覺好開胃😋
🦋亦都頂層嘅甜點，賣相色彩斑爛，每一件糕點都係手工製造，非常精巧，外觀再靚都要佢嘅味道出色先至係一件好嘅甜點，但佢大部份嘅糕點都係非常膩，好多都係奶油為主，食一件可以，但唔會再想食太多，其中一件比較特別嘅係橙色鮮艷嘅甜點，佢裏面係芒果烏龍撻，而面層一片片嘅係芒果啫喱，食落非常鮮甜，完全唔覺得膩
總括來講比較值得去嘅係佢個下午茶自助區，下午茶架大多數都係甜點為主，自助區裏面嘅嘢食就可以平衡番，唔會有好滯既感覺，整體服務都唔錯，仲有鋼琴伴奏，環境非常寫意💆🏻♀️💆🏻♀️，💰Tiffin茶園$736/2
张贴
