忘不了拉麵小籠包 (已結業)

知道觀塘開左個新廣場, 在樓下見到有人派傳單, 拎左一份黎睇, 係忘不了的餐單。唔洗等位, 入到去坐低, 我坐木櫈, 個人認為唔係太舒服, 張檯又細, 整個感覺很差, 而且隔離張二人檯係放左一籮玻璃杯, 幾排蠟燭台, 唔知做乜。叫野食既時候順便問個男部長, 剛才派既傳單有小菜套餐, 問佢可唔可以叫, 佢口齒不清講左一次, 我聽唔清楚, 再問一次, 都係聽唔到最尾果幾個係乜野字, 然後從傳單前面見到係只供外賣, 套餐係唔可以堂食, 咁我問他派張傳單俾我地做乜, 又唔可以叫, 佢話係派俾我地睇下。吹脹~我點了口水雞、擔擔麵、回鍋肉和兩個白飯, 埋單174。當中只有回鍋肉比較好, 口水雞得個酸字, 味道唔係太好。食到中段, 突然旁邊張放滿野既二人檯有一位女侍應成籮匙更叮叮噹噹在分, 好似茶餐廳咁.......唯一比較值得稱讚係添茶會自動自覺, 不過這種服務水平應該是最基本吧! 埋單時仲有一張印花卡, 我心諗一次以後都唔會再食, 即場退返俾佢。順道走了一圈, 隔離花園餐廳晚餐都係60蚊左右, 再有機會去食飯一定去花園餐廳。