花子舍 (已結業)

餐廳位於銅鑼灣，但因為係巷仔入面，所以比較靜，即使係假日夜晚都唔太多人。一入門口已經有好多花嘅擺設，加上暗暗嘅燈光，氣氛不錯👍🏼前菜有煙三文魚沙律，擺得幾靚。炸魷魚圈無用炸粉，感覺冇咁油膩同熱氣。蜜糖雞翼都好好食👍🏼黑松露薯條除咗有黑松露放喺面之外，仲有黑松露醬，點埋個醬食就夠濃味喇。大蘑菇意大利飯，蘑菇夠多汁👍🏼豬手分量唔算好大份，不過皮脆多肉，上枱嘅時候仲已經幫你切好咗，好方便食。牛扒就相對遜色咗啲喇，叫咗七成熟，不過嚟到近乎全熟😑，加上配左少少醋，有少少酸味，唔知係咪我唔識野，不過我就覺得夾埋唔係太好食喇。另外，雖然餐廳環境唔錯，但因為餐廳內冇廁所，所以要搭lift上一層去商場廁所，不過呢個商場都比較舊同夜晚都幾靜，所以女仔去廁所都係搵多個伴穩陣啲。