Springfields (已結業)

今日同朋友黎到中環食飯，見到依間細細地但裝修唔錯既餐廳～坐得幾舒服而且好寧靜幾有feel~叫左個炸芝士條，超級拉絲！而且芝士味都幾濃，好味～另外仲叫左Nutella milkshake，朱古力味不會過濃，milkshake亦不會太杰身，所以唔會話太漏～唔錯！主菜係海鮮炒意粉，炒得好香幾有獲氣，而且意粉乾身唔會太濕，味道剛好睇落好細碟，但其實份量剛好，不算少～再黎係smoked salmon galette with egg and cheese (Sassy Salmon)，賣相唔錯，三文魚份量亦算多，但餅皮有點過苦。可能因為吃唔慣啤酒麥果種味道吧～最後叫左strawberry crepe，依個食落完全唔會苦（應該因為冇用到啤酒麥去造），crepe口感帶點煙韌，面點煎得帶點脆口，配埋雪糕同士多啤梨真係好好食！！另外仲外賣左兩個cupcake黎屋企，原來依間餐廳以cupcake起家，啲cupcake全部都好令，食落都幾鬆軟幾香，不過都係啲crepe好食啲！！總結依間餐廳環境唔錯，食物都幾好，價錢係中環黎講尚可以，值得一去！