外灘拾號 (已結業)

隊長唔係上海人, 但超鍾意食上海菜, 外灘拾號係姐姐介紹的, 如果唔係附近返工/住, 唔會知有呢間靚裝上海菜, 入到去都幾寧靜, 可能係星期日同埋時間早啦, 所以人唔多.基本上, 一般上海菜館有既佢都有, 比較好食/特別既, 我會推介馬蘭頭百頁結, 一般馬蘭頭都係切碎, 撈埋百頁結碎, 但其實馬蘭頭既味道唔係人人鍾意, 好似唐萵甘, 而呢到用百頁結將馬蘭頭卷埋, 一啖一舊, 容易食之餘, 都容易入口, 特別係好怕食馬蘭頭既人.寧波豬寸骨, 燒得乾身, 果個醬都好入味, 而且留番個尾, 拎住食都好方便~生煎包, 唔知點解係香港食既生煎包都好似個叉燒包甘, 個包皮厚到嚇死人, 呢到未必做到上海果種甘正宗, 不過包皮起碼唔係勁厚, 而且裡而舊肉都多肉汁~豆沙窩餅, 紅豆都多, 而且唔會煎到油林林~坦白講, 佢既上海菜唔係正宗果種, 不過環境好, 服務都唔錯, 如果星期日一家大細要去市區同人迫, 又食到趕頭趕命, 不妨去下長沙灣呢D工業/商業區搵食, 食得自在D~