食之劇場餐廳 (已結業)

上個週末想去西貢白沙灣行下，上網search到附近有間對住海景既日式廚師發板，所以就預先booking，好彩訂左位，中途見到有客諗住walk in都無位，所有位置同食材係預早安排，所以好期待～叫左2個set，分別都有前菜同野菜沙律，前菜係三文魚腩漬。首先，醬汁調配好惹味，有少少酸酸地，咬落三文魚肉質都幾緊實，打開味蕾。而野菜沙律色彩繽紛，令人睇落好開心，而且好新鮮，令人食指大動😋食完前菜，仲有一小碟牛蒡、紅酒蕎頭、鰹魚汁漬蒜，配山椒粉，可以清新一下口腔先，個人覺得就咁食已經好好味，山椒粉會令舌頭有麻麻地既感覺，如果配串燒，相信會更出色👻黑豚腩片醬燒丼$350，另計加一主食方而，黑豚腩片用左味淋醃製，一開蓋個陣，就香味撲鼻，而咬落豚肉鮮味加埋味淋既咸味，忍唔住一啖接一啖🐷鰻丼$380，另計加一好朋友就叫左鰻魚丼，經理介紹今次既鰻魚係東京灣鰻魚，比較細條，但肉質鮮嫩，咬落有少少甘香，好有膠質。而呢隻飯係用左七星米，所以咬落會有煙煙韌韌既感覺☺️最後甜品係自家制tiramisu 雪糕加薄荷葉。呢個真係有少少出人意表，食落超滑，而咖啡味都好出，加埋薄荷葉食法好新奇，有少少似薄荷朱古力雪糕，一球雪