花見月 (已結業)

科學園聽落好似好偏僻甘，但正正系大學火車站已經有接駁巴士循環線，五分鐘左右就去到科學園，其實都幾方便。夜晚都有唔少人專程黎花見月食飯，當中有唔少家庭一家大細甘黎，系寧靜園內少有既人氣日本餐廳!最終都系叫左dinner set既定食套餐，有炸雞沙律，味噌湯，刺身，以及主菜，只有綠茶飲，無包其他飲品。炸雞夠香脆，肉又唔會乾，以黑醋拌沙律菜，車厘茄及粟米，簡單而清新，餓住個肚，零舍好食。味噌湯既味道唔算太濃，但就唔會有一般既味精感覺，所以都還好每客定食有一粒帶子刺身&甜蝦，以及兩塊三文魚刺身，三款都幾新鮮，帶子嫩而鮮甜，三文魚都幾香，唔錯!南瓜番薯天婦羅 (38) - 單點左一客天婦羅，炸粉夠薄香，惹味得黎又不失南瓜/ 番薯既原有香味，幾香口好食!照燒澳洲和牛定食 (258) - 和牛定食大概系半熟 (medium)，呢個質素既牛肉生少少，有啲血都唔怕，就系甘先特別鮮香，牛肉肉味夠香濃，有少少似高級牛肋肉既味道，又夠幼嫩有肉汁，正!!!