青藤椒涼拌花膠-啱我口味，青藤蔴香十足，又唔辣，而花膠厚身，咬落有口感。
🥥🐥椰青雞湯底超贊，第一啖已經飲到其清香，加上煲雞，飲唔停口。湯底重有椰肉食😋雞件就一早放左係湯底，但都好嫩滑，半隻都夠3-4人食。
牛肩胛，肥瘦適中有牛味，性價比高。
手打蝦丸拼鮮蝦雲吞，真材實料，蝦丸彈牙，雲吞則鮮蝦比較多，大細適中。
日本豬腩片拼黑柏葉，豬腩片比較肥略嫌失色，但黑柏葉切幼身，烚一烚爽口有牛味，正👍🏻
鮮淮山拼冰豆腐、唐生菜，每樣野都好生鮮，唔特別但好食。大部分都可以兩拼，啱兩個人咩都可以食d，而且分量都唔細。
最後仲送甜品，係富士蘋果味雪米糍，好清爽好食😋
