影片
更多
2025-04-17
10 浏览
亂打亂撞，竟然搵到一間隱世小廚！呢間小店食物有質素，制作充滿誠意，價錢仲超抵食。小店菜式選擇非常豐富，主打燒烤之外，仲有炒粉麵飯、特色小食、川式烤魚、雞煲、同埋酸菜魚等等。今日食左酸菜魚，小店選用水塘黑魚，冇骨且肉質嫩滑，仲冇腥味添！酸菜係用益生菌醃製，味道爽口之餘又健康，再加上用淮山麵取代傳統薯粉，更加加分。咁高質嘅一道菜，竟然只係$128， 簡直surprise。小食方面，雞泡魚魚乾煙煙靭靭，愈嚼愈甜，好啱送酒。而鱈魚波波真係驚喜，入口煙韌，好似麻薯波波，但又散發魚香，真係嚼得好過癮！仲有蒜蓉燒茄子，嗰醬汁好均勻滲透入茄子入面，鮮甜同燒烤嘅味道完美結合，$32簡直係超值到爆！飲品方面，幾乎每枱客人都叫咗杯咸柑桔梳打，打爛曬嘅咸柑桔，味道濃郁又潤喉，$18抵到想😭。呢度真係勝在用心制作，食材優質，價錢吸引。最啱實而不華的人，我已經諗住下一次再encore啦！
今日食左酸菜魚，小店選用水塘黑魚，冇骨且肉質嫩滑，仲冇腥味添！酸菜係用益生菌醃製，味道爽口之餘又健康，再加上用淮山麵取代傳統薯粉，更加加分。咁高質嘅一道菜，竟然只係$128， 簡直surprise。
小食方面，雞泡魚魚乾煙煙靭靭，愈嚼愈甜，好啱送酒。而鱈魚波波真係驚喜，入口煙韌，好似麻薯波波，但又散發魚香，真係嚼得好過癮！仲有蒜蓉燒茄子，嗰醬汁好均勻滲透入茄子入面，鮮甜同燒烤嘅味道完美結合，$32簡直係超值到爆！
飲品方面，幾乎每枱客人都叫咗杯咸柑桔梳打，打爛曬嘅咸柑桔，味道濃郁又潤喉，$18抵到想😭。
呢度真係勝在用心制作，食材優質，價錢吸引。最啱實而不華的人，我已經諗住下一次再encore啦！
张贴
