金田家 (已結業)

2個人去食飯，點了2碗拉麵，激辛拉麵🍜，一份男爵薯餅配日式蛋沙律，巨峰提子特飲，蘋果汁🍹。我哋再追加左，腩肉叉燒，木耳，糖心蛋。追加的食物，會另外上，所以可以和朋友share 。我哋食得辣嘅，所以點左一個激辛拉麵，餐牌上面有得選擇麵的軟硬度，蒜蓉和蔥可以選擇份量，個湯好正，味道好濃郁，好多配料。最鐘意就係腩肉叉燒，因為一啲都唔肥膩，女士減肥中食都唔怕。朋友點左柚子辛口拉麵，真要讚一讚個湯，好出色的柚子香，帶點微辣，麵條彈牙，大大塊的黑豚叉燒，好正！其實有點眼闊肚窄，還有薯餅未食，就已經飽左。飽住食個薯餅都仲食到，因為有驚喜！紫薯甘栗薯餅，入面粒粒嘅甘栗好有口感，牛肉薯都唔夠佢出色。有BB櫈提供，朋友BB都可以坐定定食糊仔。雖然鋪頭門口細，但入面坐位好闊落，好舒服。服務員夠helpful! 見到門口可以外賣，下次都可以試吓外賣。