我叫左份經典漢堡套餐配熱咖啡，由於唔食牛，所以加$3將塊牛豬肉改為豬雞肉；愛人叫左份雙層芝士漢堡配可樂，另外再加左份炸薯條。
首先上左份炸薯條，唔錯，啲薯條熱辣辣、脆卜卜，加上係用粗身好似薯角咁嗰種薯條，食落口感好好，我哋仲加$2加埋類似Shake shake粉嗰啲味粉，不過略嫌少左啲。
跟住上兩份漢堡，噢，原來都有跟薯條架！不過就冇味粉，只好加茄汁。至於個漢堡，塊肉都幾juicy，而且唔太薄。愛人試左我嗰個一啖，佢話始終都係牛肉做嘅惹味啲。不過，我認為最值得讚嘅係個包，咬落唔單止熱，而且仲有脆邊，正！
食包包食飽，呢餐只係$131。如果下次再嚟，我可以叫個輕量餐，聽店員講個包係細個啲，唔使食到咁包
