雍雅海鮮酒家 (已結業)

有街坊老友推介，所以趁假日過開九龍灣，過哩牛頭角呢邊嘅雍雅海鮮酒家嘆茶食晏，原來佢係明星酒家集團，環境同服務都係街坊質素，算ＯＫ啦！一坐落叫咗7個點心，街坊酒樓，所以都唔會有咩驚喜，係其中一款點心叫「千層馬拉糕」算幾特別，其實佢只係中式千層糕同馬拉糕嘅合體，即係將薄薄一層嘅鹹蛋黃蓉放咗係馬拉糕中間，隔住隔住咁幾層，都幾好食，有馬拉糕嘅鬆軟口感，又有鹹蛋黃嘅鹹香味，味道豐富咗。相反，失望Ｄ嘅係佢嘅秘制鹽香雞（$48半隻、$88全隻），依個就係街坊老友嘅推介，雖然Ｄ雞肉有陣陣鹹香，唔點沙薑就咁食都幾好味，但隻雞層皮就真係好鬼肥。不過人多有少少著數，因為佢哋有個茶市優惠，以每枱計，多過6個人都係收6個人嘅茶芥，好過無啦！