影片
更多
2016-01-21
524 浏览
約咗朋友食飯，好耐冇見，想搵一個靜靜地嘅地方傾吓計，可以坐耐少少，朋友介紹咗呢間，地方幾好坐，服務員都幾Nice ,價錢實惠，嘢食都幾OK。 餐牌有個按星期嘅每一日特別優惠，星期二，就係日式炸雞。估唔到係優惠嘅菜式，都會咁用心！好大碟，而且賣相都好好。係熱辣辣即刻炸起嘅，個脆皮好薄，絕對唔會食到一口粉，雞肉好滑好嫩，夠晒熱配埋沙律醬有雙重口感特別正！ 三文魚卷，呢個本身應該係有六件嘅，但太肚餓食咗唔記得影相！我欣賞佢嘅size ,會太大唔會太細，因為太大唔可以一次過放晒落口會食到好論盡，但係太細又會覺得搵笨，呢個啱啱好。但三文魚感覺不太新鮮啦，而且切得好薄。全部食材加埋感覺都幾配合 蝦拉麵，睇個樣好明顯係一包包嗰啲雪藏蝦，買返屋企做蝦仁炒蛋個種，嗰啲蝦本身食落係幾脆口，至少佢有處理過，食唔到雪藏味。個面嘅質感都好好，唔會林啤啤，有彈性。對於呢種中下價位嘅日本料理，我覺得呢個拉麵算唔錯。湯嘅味道唔差，不過就多味精喇 鐵板牛油炒雜菇牛油味好重，師傅應該落得好重手，熱辣辣時候就好香好食，但係凍咗就好膩喇 呢個魚石頭鍋，個魚就唔太新鮮，個湯係幾有魚鮮嘅味，d菜吸晒d魚湯好入
餐牌有個按星期嘅每一日特別優惠，星期二，就係日式炸雞。估唔到係優惠嘅菜式，都會咁用心！好大碟，而且賣相都好好。係熱辣辣即刻炸起嘅，個脆皮好薄，絕對唔會食到一口粉，雞肉好滑好嫩，夠晒熱配埋沙律醬有雙重口感特別正！
三文魚卷，呢個本身應該係有六件嘅，但太肚餓食咗唔記得影相！我欣賞佢嘅size ,會太大唔會太細，因為太大唔可以一次過放晒落口會食到好論盡，但係太細又會覺得搵笨，呢個啱啱好。但三文魚感覺不太新鮮啦，而且切得好薄。全部食材加埋感覺都幾配合
蝦拉麵，睇個樣好明顯係一包包嗰啲雪藏蝦，買返屋企做蝦仁炒蛋個種，嗰啲蝦本身食落係幾脆口，至少佢有處理過，食唔到雪藏味。個面嘅質感都好好，唔會林啤啤，有彈性。對於呢種中下價位嘅日本料理，我覺得呢個拉麵算唔錯。湯嘅味道唔差，不過就多味精喇
鐵板牛油炒雜菇
牛油味好重，師傅應該落得好重手，熱辣辣時候就好香好食，但係凍咗就好膩喇
呢個魚石頭鍋，個魚就唔太新鮮，個湯係幾有魚鮮嘅味，d菜吸晒d魚湯好入味，但係都係嫌佢多味精
兩個人，叫咗五樣嘢，埋單都係270幾蚊，真係好實惠，但食唔晒，所以打包左，拎左去後街俾咗一個紙皮婆婆食，佢好開心。
张贴
