荷里活冰室 (上海街)

营业中

休息中

旅行返來，最想食既就系住家飯，無奈晤得閒煮，諗住出街食，揀一間冰室炒幾味小菜醫下肚。開在朗豪坊附近的荷里活冰室，選擇豐富的menu成功吸引左我地。餐廳分樓上樓下兩層，樓下full左，我地上左二樓。卡位設計，環境舒適。小菜有N種選擇，價錢又好實惠，超值晚市套餐，更是做緊特價，配白飯及老火湯，仲可以加配野飲。是日老火湯系粉葛鯪魚赤小豆，煲得好甜夠火候，正好岩我地去濕下火氣。白米飯也是大大碗泰國香米。粟米青衣魚柳，魚柳大大舊，肉質厚實，用料不俗，份量也都十分滿足，送飯一流。鹽焗雞，肉質入味嫩滑，一d都晤鞋。風沙豆腐，外脆內嫩，輕輕一咬就是嫩滑的豆腐，不過如果整大粒d，可能更有口感。蒜蓉粉絲蒸斑頭腩，最愛食魚，尤其系海魚，有營養又晤肥，至鐘意佢地用蒜蓉蒸，加上粉絲超夠味！斑頭腩的肉質鮮美，用料不俗，實實在在。咁好送，令人想食多碗飯。