影片
更多
2016-12-12
507 浏览
是咁的~果日係我嘅生日,我嘅女朋友就準備一日滿滿嘅行程 所以我事前係唔知黎Monster Sushi食晚餐 呢排餐廳就做緊壽司刺身半價啦(熱食果d仲係正價) 所以就想黎試試 晚市五點半開始 我地五點半就到左已經見佢set緊line排隊:排隊果陣,已經有職員俾menu我地剔,可能想d顧客可以快d有野食掛,之但係我地又想睇下圖先決定所以就冇喺排隊果陣剔啦…大約1745就入去坐企左,樣樣都想試所以都剔左好多:左邊係吞拿魚腩帆立貝,呢個真係要用“世界級”黎形容,吞拿魚腩(蓉)好香甜已經不在話下,帆立貝係超厚超鮮甜超肥美,一啖咬落去你第一下會食到吞拿魚嘅鮮甜但係好快就會俾更加鮮更加甜嘅帆立貝搶曬個味,出面食貴d嘅帆立貝會俾你食到海鮮果種鮮甜,帆立貝嘅爽口質感,但呢到會多左一份肥美,係肥而不膩嘅味,絕對一定要試!!!右上分別係馬刀貝(左)同象拔蚌(右),個人覺得如果唔係特別喜好蚌類嘅人,呢兩碟可以二選一,而我會叫象拔蚌,呢兩種蚌類嘅鮮甜係淡淡地,好清新果種(啫係唔同帆立貝果種咁濃),但係馬刀貝同象拔蚌最大分別就係個口感,鐘意彈牙爽口嘅一定要叫象拔蚌,真係好爽好彈牙,絕不痴牙!介紹下熱食,呢個係牛舌
排隊果陣,已經有職員俾menu我地剔,可能想d顧客可以快d有野食掛,之但係我地又想睇下圖先決定所以就冇喺排隊果陣剔啦…大約1745就入去坐企左,樣樣都想試所以都剔左好多:
左邊係吞拿魚腩帆立貝,呢個真係要用“世界級”黎形容,吞拿魚腩(蓉)好香甜已經不在話下,帆立貝係超厚超鮮甜超肥美,一啖咬落去你第一下會食到吞拿魚嘅鮮甜但係好快就會俾更加鮮更加甜嘅帆立貝搶曬個味,出面食貴d嘅帆立貝會俾你食到海鮮果種鮮甜,帆立貝嘅爽口質感,但呢到會多左一份肥美,係肥而不膩嘅味,絕對一定要試!!!右上分別係馬刀貝(左)同象拔蚌(右),個人覺得如果唔係特別喜好蚌類嘅人,呢兩碟可以二選一,而我會叫象拔蚌,呢兩種蚌類嘅鮮甜係淡淡地,好清新果種(啫係唔同帆立貝果種咁濃),但係馬刀貝同象拔蚌最大分別就係個口感,鐘意彈牙爽口嘅一定要叫象拔蚌,真係好爽好彈牙,絕不痴牙!
介紹下熱食,呢個係牛舌,唔計上面講嘅帆立貝壽司,呢個係我成晚食過第二樣最好味!鐵板牛舌一定要襯熱食!而且唔好見佢面頭咁多蔥同蒜就以為佢唔係靚料所以先用呢d黎蓋味,食落去,你會發現d蔥蒜只係令牛舌入面果陣“so”味更加出更加香(就好似豬肉同豬脷相差嘅除左口感仲有果陣味),個人好鐘意食牛舌,好似韓燒果d都會攞牛舌黎燒,所以更加鐘意佢呢碟牛舌,而且每一塊都好厚!!
北寄貝真係好肥美好甜好彈牙,果陣彈又係有別於馬刀貝同象拔蚌,係一種接近“煙un”嘅彈,而且你見佢個色澤都知有幾新鮮,鐘意食北寄貝嘅人一定唔會失望!北寄貝下面嘅係左口魚邊,呢個冇咩特別,但建議唔好食佢紅色個醬,陣味有d似山渣餅,連埋個醬食得個酸字唔係好知自己食緊咩
呢個唔記得叫咩刺身盤,有甜蝦,帶子,油甘魚,吞拿魚,三文魚,墨魚,海葡萄…帶子唔洗講上面講左,一貫水準,都係咁正!!雖然係廢話,但甜蝦真係好鮮甜,基本上同出面其他貴價嘅日式料理d甜蝦都一樣咁甜,油甘魚,三文魚,吞拿魚都切得好厚好厚不過吞拿魚就未係去到好正,但係油甘魚果種油而不膩嘅感覺絕對係配得上一個“正”字,三文魚刺身唔洗點講,就係好鮮甜好香,總之油甘魚同三文魚一定唔會令人失望!!至於海葡萄,聽聞呢幾年先興起,我都係第一次食,坦白講味道就真係冇咩特別,聽講佢個賣點係營養價值wo…總之我就唔識欣賞海葡萄
呢個牛肉露筍卷,又係一味好正嘅熱食,平時出面食日式料理,可能大家都會成日叫金菇肥牛之類,不過金菇肥牛有個問題就係金菇會痴牙,而且坦白講金菇同肥牛個口感配合起上黎唔係話好夾,金菇咬好耐先碎但肥牛已經吞左落肚,換句話金菇同肥牛同時喺口到嘅時間唔多,不過呢碟肥牛露筍就正正解決呢句問題,用嘅牛唔肥唔瘦(好似話用和牛),有牛肉嘅香又唔會太肥,配埋爽口嘅露筍,係好match,每一啖都有牛肉嘅香同露筍嘅中和,唔會好似金菇肥牛咁咬咬下得番金菇
左邊嘅炸蝦壽司,基本上呢d你襯熱食一定好食嫁喇,唔多講,咬落鬆化,蝦又彈牙,就係咁簡單,反而要介紹嘅係右邊嘅鵝肝卷,真係好好味,鵝肝唔會有果陣好膩嘅感覺但又好香,不過個卷入面配一粒芝士我就唔係咁鐘意喇,覺得咁樣夾埋就真係好膩,所以食第二件果陣就唯有撩走粒芝士食,好食好多即刻加分!!成餐飯唔止食咁少,不過上面係比較重點嘅,其他仲有食帝王蟹柳壽司(又係好鮮甜,好濃蟹味),鰻魚壽司(好食),炸蠔壽司(襯熱食實冇死)等等…
成餐上菜都幾快,質素好高,壽司刺身半價嘅優惠下其實好抵食,平時正價嘅如果唔介意豪食,絕對係一個好好嘅選擇!!
张贴
