哈欠 (已搬遷) 新店位置

深水埗近一年開左好多cafe, 其實我好支持小店，每星期點都去一次cafe, 不過呢個星期去果2間都係深水埗都中伏，講返呢間先，裝修都舒服既，不過呢類木色系風格都好多啦，同7仔一樣，緊有1間係左梗， 值得讚係，佢地dog friendly, 我好欣賞，可以帶狗入去入面食野，講返食物先，我叫左個百幾蚊豬扒飯，賣相唔差，但極度鹹呀，真係食完個腎會有問題，不過反映比店員聽，我無要求但都換過比我，呢點值得讚， 我估主要因因為豬扒“葉”過夜，再加醬，又豉油撈飯，所以都幾咸下， 講埋杯野飲， 我好鍾意飲expresso tonic, 呢間係叫“sodalemon coffee”, “爽咖啡”， 但係真係飲唔到有soda, 我唔知係比例問題定咩出錯， 飲落感覺似Americano 加lemon , 有d失望，因為我自己整都無咁差， 其實同時間有個男食客都反映點解無soda, 店員回覆要搞下架， 但係我都有搞都無soda味， 所以我都費時講， 性價比又唔高，未必會再黎