鼎泰豐

营业中

休息中

今日落雨又打風，諗住食埋晚飯先返屋企，係新港見到鼎泰豐，諗住試吓！點知唔識由自可，一試打幾火！！！！！特色小籠包，算係全餐比較好，但係味道偏淡，一Ｄ鮮味都無，仲差過超市賣果雪藏小籠包，只係佢Ｄ皮比較薄。水晶肉，其他店件件切得分明，表面平滑，顏色通透，味鮮有口感，但係鼎泰豐果Ｄ切到一忽忽，Ｄ肉全是肉渣撈成，除咗淡淡的腌肉味同雪味，咩味都無，Ｄ肉鬆散，完全無口感可言。酸辣湯，全餐算係比較有味道的一碟，但係都係唔夠酸唔夠辣，算係叫做齊料。油豆腐粉絲湯，正！係淡而無味的水加上油豆腐及其他配料，要有0既料全部有，但係完全無味，只有油益水，好似飲緊洗完油豆腐的水咁，最差係佢～台灣麻醬担担撈麵，麵唔爽，好似糊咗的全蛋麵咁，Ｄ醬普通。肚餓你一定食得落！炸排骨湯麵，麵都係糊，排骨係全無骨豬扒，唔似係炸，似係油煎，好似車仔麵豬柳囉！我原本十分鐘意食鼎泰豐，但一直都無機會係香港食，反而成日係台灣及大陸食。但係食完哩餐，我完全唔明白佢得奬原因係邊？我以後都唔會再幫襯香港鼎泰豐，要食返大陸食好過，味道好過佢多多聲。