吉壽日本料理 (已結業)

呢間放題都開咗好耐，我好耐之前黎食過，今晚得閒唔使湊女，就同老婆兩個人黎個放題啦，坐位比以前舒服左有好多卡位唔算太迫，平日夜晚都好多人，安排左我哋坐二人枱冇卡位坐有啲可惜，冇辦法去羅野食先，飲品櫃有好多野飲架，我最鍾意飲果汁先生，實無輸。出面仲有啲熟食例如番茄仔粟米粒螺肉八爪魚等，order紙攞海膽手卷同埋刺身，海膽手卷唔係間間都有，雖然冇另外最出名嗰間放題嘅海膽手卷咁多海膽但係都唔錯啦，刺身亦都幾好每一次都有冰底埑住，佢既甜蝦同帶子好出色，我哋不停encore左幾轉，另外佢個芝麻雞翼同炸蠔，燒鰻魚，好味都好好味，燒鰻魚有encore左幾次，只串燒方面燒牛利同燒雞軟骨係我嘅至愛，燒菠蘿都好味，當甜品生果一流。最後送一支韓國雪條，係甜品同雪糕上邊差左少少啦，唔太多選擇，但整體上都滿意。最後要讚下佢哋d服務員，見到佢哋每個人都手腳好快，全部都fit馬。