影片
更多
2017-02-05
10121 浏览
出街食飯最好就係上openrice搵定餐廳兼book埋，咁先唔會去到見到大排長龍後又要諗其他餐廳。我早一個星期就book咗呢間餐廳6點半食，去到見到大排長龍嚇親，即刻好慶幸自己事先book定餐廳。呢間放題可以加錢升級燒埋肉，反正一場黎到，咪加幾十蚊試埋燒肉。肉既選擇都算多，有韓牛，和牛粒同五花腩揀。呢四隻生蠔係送的，味道比較淡，幾岩我食。海膽手卷嘿嘿，見唔見到d海膽有幾多! 呢個手卷size唔大，飯都唔多，一啖食曬，最欣賞既係，咁都仲食到海膽味，好鮮甜架!! 新鮮無臭味!魚生盤刺身方面，我主要食三文魚，因為太好食既關係，雖然不是魚肚部分，但係食落好魚油既甘香，入口即溶，不斷encore,我諗我成晚都食咗十幾塊三文魚。串燒如果想食燒既野，又唔想加錢燒肉，可以order串燒，都係即叫即燒的，唔驚係攤凍曬既野，不過，當然都要等返陣先有得食。 燒蝦都幾好食! Size夠大，蝦肉都幾鮮甜彈牙，另外，牛舌都正到痺，厚切得後彈牙，都係encore之選。另外要讚餐廳既係，由於有兩串一口蕃薯燒到燶曬，餐廳見到即刻say sorry, 仲要即刻幫我地換過，都幾客氣! 天婦羅蕃薯呢個好好食，因為用咗靚蕃薯
出街食飯最好就係上openrice搵定餐廳兼book埋，咁先唔會去到見到大排長龍後又要諗其他餐廳。我早一個星期就book咗呢間餐廳6點半食，去到見到大排長龍嚇親，即刻好慶幸自己事先book定餐廳。
呢間放題可以加錢升級燒埋肉，反正一場黎到，咪加幾十蚊試埋燒肉。肉既選擇都算多，有韓牛，和牛粒同五花腩揀。
呢四隻生蠔係送的，味道比較淡，幾岩我食。
海膽手卷嘿嘿，見唔見到d海膽有幾多! 呢個手卷size唔大，飯都唔多，一啖食曬，最欣賞既係，咁都仲食到海膽味，好鮮甜架!! 新鮮無臭味!
魚生盤刺身方面，我主要食三文魚，因為太好食既關係，雖然不是魚肚部分，但係食落好魚油既甘香，入口即溶，不斷encore,我諗我成晚都食咗十幾塊三文魚。
串燒如果想食燒既野，又唔想加錢燒肉，可以order串燒，都係即叫即燒的，唔驚係攤凍曬既野，不過，當然都要等返陣先有得食。 燒蝦都幾好食! Size夠大，蝦肉都幾鮮甜彈牙，另外，牛舌都正到痺，厚切得後彈牙，都係encore之選。另外要讚餐廳既係，由於有兩串一口蕃薯燒到燶曬，餐廳見到即刻say sorry, 仲要即刻幫我地換過，都幾客氣!
天婦羅蕃薯呢個好好食，因為用咗靚蕃薯，粉粉地架，但又唔會過甜，必叫。
壽司壽司都幾好食架! 特別推介玉子，好甜好正，有蛋味，同平時食爭鮮既有好大分別!!
飲品飲品有好多選擇，感覺d飲品都比較貴，唔係一般放題既貨色，有上圖既楊枝甘露，仲有波子汽水，紅豆搽茶等。
甜品
甜品有多款蛋糕同雪糕，蛋糕無試到，但就食咗雪糕，係movenpick同hagandazz牌子既雪糕，口味種類都有成4,5款，好正! 最驚放題見到雀巢雪糕杯同雪糕糯米糍，呢間餐廳有誠意!
张贴
