樺輝記 (已結業)

正！樺輝記 (荃灣)荃灣運通街6號運通洋樓地下M號舖天氣又凍返，好想食啲熱辣辣嘅嘢，但又唔想食打邊爐咁普通，朋友就提議去荃灣食砂煲粥，因為我未食過砂鍋粥啊，佢介紹係可以好似車仔麵咁，揀一個粥底之後，再揀自己鐘意既食材，聽落都幾特別，所以就聽佢意見去試一次啦！我同朋友兩個人叫咗鎮店之寶砂鍋粥我哋叫咗一個細粥底加咗蟹、瑤柱同埋黑魚片，仲叫咗一個刴椒木桶蒸白鱔！個粥底真係好好味，抵嗰個朋友極力推介！蟹🦀️當日只係買$80一份，我哋當日一份有一隻半，老闆話係要睇當日蟹嘅大細而去決定有幾多隻嘅，但一隻半依個份量對我哋兩個人嚟講都唔少㗎，但最緊要都係蟹係好有鮮味，蟹嘅鮮味落晒落粥底，亦都唔少得有瑤柱嘅吊味啦！再加上一片片嘅生魚片，啖啖肉，呢個粥真係值得一食再食！木桶蒸白鱔係可以揀藥膳或者刴椒，我地想食辣野刺激味覺🤣🤣 真係無失望呀！ 呢道菜除咗有白膳仲有唔少菇類！好適合鐘意辣既朋友！