店裝修都幾raw，像石屎沒粉飾的牆身，走型格路線。靠牆就是單人自閉位，高腳櫈，唔太好坐。
當時店內只有我和另一客人，可以舒服的坐一坐，慢慢食慢慢嘆。像車仔麵那樣，可以選湯底、選麵、選配料。我就試一試那招牌的泰式香濃牛肋骨湯金邊粉，跟餐有前菜和飲品。
走入店內店員已遞上清水，也介紹怎樣點餐：車仔麵式的落單紙，揀好後交店員就可以等食。
前菜是粟米粒和泡菜，粟米粒幾甜，泡菜就一般。等了一會主角出場，先試湯，飲嗰下熱熱的，人即刻從寒冷中暖番。最鍾意佢既炸豬皮，卜卜脆好有口感。牛肋骨略嫌少了些，但少吃多滋味。豬肉丸和肥牛就一般了，冇乜驚喜。而羅勒為碗麵帶來清新的味道。
湯初嚐覺味道夠濃幾ok，食到後期就覺得有些重口味。這店說沒有加味精，飲完湯冇口渴，證明真材實料。
金邊粉幼幼的，是我喜歡的粗幼度，如太粗吸湯太多，口感便不好了。
檸茶堅係一般，可以唔叫combo剩食麵都ok。$93都幾貴，但中環這價錢都正常，租貴啊。
走出門外，見白鴿靠在自動門的角落取暖，可見天氣之寒冷。尤幸食左一碗濃湯牛肋骨麵，夠我暖到上地鐵。
自閉位
炸豬皮脆卜卜
凍到鴿都縮埋一角落
