川滿居 (京都廣場)

呢幾日咁凍，午餐最好就係食辣嘢暖暖個胃，平時都鍾意食呢間喺銅鑼灣地鐵站一出就到，貪佢方便就腳，價錢大眾化，味道還唔錯，服務都好好。

每次嚟到必點嘅係酸菜魚，貪佢夠大盤，而且味道十分之好，魚片嫩滑冇骨，一啲腥味都冇，十分鮮甜，湯底微酸微辣，而且仲配咗紅薯粉，唔使食飯都夠飽。

孜然羊肉-鑊氣夠十分惹味，配上薄餅皮包嚟食，真係食完一嚿又一嚿。

黃金皮蛋-開胃小菜，皮蛋煙靭，味道都唔錯

金橘檸檬茶- 開胃解膩之選。