汀汀烤活魚 (已結業)

今晚又開始凍啦~當然又係打邊爐的最佳時間~去左百寶利的汀汀烤活魚, 呢間雖然比染布房街個間就腳，但尼度架車立真係等到人有D發忟~一入黎就見到個魚缸，以樓上鋪黎講，呢個缸都算大~我地去個時七點幾，仲有大半吉位，過左八點後就全滿了~呢度既花生要收錢架，雖然佢都幾大碟，不過感覺有少少淋左~ 3個人，叫左一隻雞~ (阿頭請食飯，要豪D~HAHA) 花甲雞煲~雞肉很嫩滑，個汁好味，但越食越咸。花甲就麻麻囉~ (我好似未食過呢款花甲) D肉好少，又無咩味~食哂D雞，就加水打邊爐啦~叫左西洋菜，響鈴西洋菜幾嫩，無個D老粗既菜梗, 響鈴係我打邊爐至愛，吸哂D湯底，超正~食得多牛肉，今次食個肥牛粒，真係好正喎有肥牛既淋及滑，但無肥牛的嚡~ 推介推介~魚皮普通貨色，不過配合湯底食都好正韮菜餃好OK，皮唔會淥爛，肉同菜都好分明，唔係一團唔知咩黎~左雙併手打丸，墨魚丸及蝦丸兩者都好彈牙，尤以蝦丸很有蝦味~ 仲食左個超正的黑豚肉，可惜我忘記了影相黑豚肉配合這個雞煲湯底真係好夾甚至比肥牛更好食~ 總括而言，呢度既食材都好新鮮~好有水準但湯底味道實在太咸了，加了很多次水都依然很咸，有點過火了~