影片
更多
2019-12-04
645 浏览
最近氣溫驟降，屋企開飯有啲麻煩，成日難得等齊人可以起筷既時候，啲餸都已經攤凍哂；索性一家人收工齊齊約係屋企附近餐廳開飯！天氣咁凍，就尤其想食小豆島既石鍋料理！環境：平日夜晚8點幾去到，意外竟然唔駛等位，餐廳入面客人都唔多，大約只坐左一半座位；我地三個人直入坐卡位，座位相對闊落，又有位擺袋，有個人空間之餘，又方便搵侍應落單。芥辣八爪魚沙律（$32）擺盤是但，望到都唔敢抱太大期望。八爪魚量少，而且都係啲脚尾部分，冇咩咬口；芥辣味唔重，更多既係鹹味，當係沙律醬咁點下下面墊盤既生菜係唔錯既，但就唔係芥辣八爪魚既味道。石鍋蕃茄湯牛肉讚岐烏冬（$71）上檯時，蕃茄湯依然滾緊，為寒冷既我地帶黎一絲熱氣。舀麵既時候亦見到湯變得更濃稠，依附住烏冬表面，食落蕃茄味更濃郁，個人覺得湯底偏鹹，不過家姐就話咁樣仲好味，食到一滴不留。本來以為蕃茄湯滾左咁耐，烏冬應該會煮爛哂，但係唔會！烏冬依然煙煙韌韌，十分有咬口，令人食不停口；不過要注意攪拌，唔係就會痴底。石鍋芝士豬軟骨溫泉玉子飯（$81）每次必點！豬軟骨煮得夠稔夠入味，加上配料種類多，撈埋食味道豐富，但又好夾！尤其係泡菜，係神來之筆，令到簡單一碗白飯都變到好好
天氣咁凍，就尤其想食小豆島既石鍋料理！
環境：平日夜晚8點幾去到，意外竟然唔駛等位，餐廳入面客人都唔多，大約只坐左一半座位；我地三個人直入坐卡位，座位相對闊落，又有位擺袋，有個人空間之餘，又方便搵侍應落單。
芥辣八爪魚沙律
$32
19 浏览
0 赞好
0 留言
芥辣八爪魚沙律（$32）
擺盤是但，望到都唔敢抱太大期望。八爪魚量少，而且都係啲脚尾部分，冇咩咬口；芥辣味唔重，更多既係鹹味，當係沙律醬咁點下下面墊盤既生菜係唔錯既，但就唔係芥辣八爪魚既味道。
石鍋蕃茄湯牛肉讚岐烏冬
$71
32 浏览
0 赞好
0 留言
石鍋蕃茄湯牛肉讚岐烏冬（$71）
上檯時，蕃茄湯依然滾緊，為寒冷既我地帶黎一絲熱氣。舀麵既時候亦見到湯變得更濃稠，依附住烏冬表面，食落蕃茄味更濃郁，個人覺得湯底偏鹹，不過家姐就話咁樣仲好味，食到一滴不留。
本來以為蕃茄湯滾左咁耐，烏冬應該會煮爛哂，但係唔會！烏冬依然煙煙韌韌，十分有咬口，令人食不停口；不過要注意攪拌，唔係就會痴底。
石鍋芝士豬軟骨溫泉玉子飯
$81
21 浏览
1 赞好
0 留言
石鍋芝士豬軟骨溫泉玉子飯（$81）
每次必點！
豬軟骨煮得夠稔夠入味，加上配料種類多，撈埋食味道豐富，但又好夾！尤其係泡菜，係神來之筆，令到簡單一碗白飯都變到好好味。
石鍋亦係重點！除左令溫泉蛋變熟、芝士變流質外，亦製造香口既飯焦，係石鍋飯不能錯過既一環。
火炙芝士軟殼蟹卷（8件）
$80
19 浏览
0 赞好
0 留言
火炙芝士軟殼蟹卷-8件（$80）
芝士濃味，配埋軟熟既米飯，入口口感軟糯，咬到卷中間，軟殼蟹香脆、青瓜爽口，同外層既口感形成對比，一啲都唔會食膩！
美中不足係軟殼蟹似係翻炸，雖然酥脆，但食落更似包裝蝦條，冇咩食蟹既感覺。
食滿$200可以抽獎1次，係幾有gimmick，但獎品就有啲雞肋.....現金卷要係14日內使用，有效期似乎太短，岩岩食完，短期內都想試下其他餐廳先，唔會再食小豆島住喇！
服務：侍應respond得好快。無論係拎menu、加水落單定拎碗拎刀餐，侍應們都一叫即做，就算鋪面唔大，但侍應數量都唔少，十分抵讚！
上菜速度都好快！落左單唔夠10分鐘，就上齊哂，岩哂肚仔餓既時候黎食。
张贴
