上海名居

营业中

休息中

今日去咗荃灣愉景新城睇新年熊貓展。睇完後就想食返餐中國菜，經過一間叫「上海名居」嘅餐廳。餐廳採用懷舊復古嘅中式裝修，令人感覺好舒服。一坐低，服務員就殷勤地奉上幾款不同嘅茶包俾我哋選擇，每位客人都有一個獨立茶壺，可以泡自己喜愛嘅茶。椰子竹笙雲吞雞燉湯呢個湯可以話用料十足，椰子味超濃郁，感覺完全沒有落味精，雖然只係二人份量，每人都有成兩、三碗。松子菊花黃魚魚嘅外層炸得香口，但內裏魚肉依然幼嫩，沾上酸酸甜甜嘅糖醋汁，用來送飯真係一流，配菜還有清甜嘅菠蘿，青椒，蝦仁和松子，味道和營養同樣豐富。狗不理烤餅外層烤得脆口，內裏豬肉餡料味道濃郁，一口咬落去肉汁四濺，一碟有三隻，真係唔夠喉。