一木小料理 (已結業)

香港做日式家庭料理店唔多，因為一小碟菜都要六、七十蚊，所以好多時料理店都做唔長除咗Muji café 外，呢間小妹都冇黎好耐，食物唔錯，亦喜歡呢度日式簡約而帶文青風嘅裝修，感覺溫暖😊推介大家食呢幾款小菜明太子玉子燒🍳原味玉子焼き煎好切件後再放入明太子，蛋質感可以但唔算好滑；微微嘅蛋香同帶微辣嘅明太子都幾匹配雞軟骨丸子🍡因為個菜名令小妹好好奇，諗緊雞軟骨串點樣做成丸子，原來係圓形免治雞肉餅加入雞軟骨。。。第一次食呢個配搭，鬆軟嘅肉餅加入雞軟骨後變得有口感；配埋月見，肉質更滑，整體黎講好好味。自家製日式薯餅🍠鮮炸起嘅薯餅好鬆脆，亦好香口。不過肉嘅份量比較少，味道亦淡口，需要點少許配嘅とんかつ醬；味道方面需要改進呢。晚餐冇set相對冇咁抵食，不過幾位朋友叫幾個菜一齊share都唔錯（下次想試埋燒茄子，見到人食好似好正咁😁)。若喜歡日式家庭料理，推介大家黎試試！