八屋 (已結業)

主打日本茶飲嘅Cafe由地舖外賣店變成樓上cafe。日頭係主打日本茶飲、咖啡☕️，夜晚就供應威士忌、Cocktails🥃。店舖比較細，大約坐到10幾人，有興趣嘅朋友記得早點黎排隊。佢哋招牌抹茶、焙茶系列用玻璃杯裝住，漸層就好似富士山🗻打卡一流📸日本焙茶芋圓拿鐵($58) 頂層奶泡撒上茶粉，先品嘗軟綿奶泡嘅香甜味道同口感，內裡煙煙韌韌嘅芋圓連埋焙茶一齊飲，令層次更豐富。日本焙茶拿鐵（$50）咖啡味之外多一重焙煎香氣，特別濃厚甘甜，茶香突出。搞勻後飲用，偏濃同甘嘅茶味，配上牛奶嘅甜味甜度適中易入口。 茶飲另外仲有揀芝士奶蓋、冰樂等可選擇。明太子意粉($118)賣相十分吸引，而且香氣撲鼻。每一啖🍝都佈滿明太子同魚子，品嘗到明太子嘅微辣，麵質濕潤彈牙。